Peşənin qısa təsviri

Dezinfektor, kimyəvi-bioloji, fiziki və mexaniki üsullarla yaşayış və müəssisə binalarında, sənayedə, açıq və qapalı sahələrdə hətta su hovuzlarında, habelə su və yeyinti məhsulları, məişət əşyaları üzərində dezinfeksiya işini yerinə yetirərək, ərazini xəstəlik törədən zərərverici həşərat, böcək, gəmiricilər, xəstəliklərə səbəb olan infeksiyanı, patogenləri, mikroorqanizmləri və mikrobları məhv edir və ya güclü zərərvericilik xüsusiyyətlərindən muhafizə edir.

Dezinfeksiyaedici maddəni əraziyə uyğun şəkildə hazırlayır, istifadəyə hazır vəziyyətə gətirir, dezinfeksiyaedicini əl apparatına yerləşdirir və yayır. Əsas işi dezinfeksiya-törədicinin yoluxma yollarını və amillərini, daha sonra isə deratizasiya infeksiya mənbəyinin aradan qaldırılmasına yönəlmişdir. Fərdi olaraq-tək, eyni zamanda böyük və kiçik qruplarla işləyə bilir.

1. İşə dair xüsusi məlumat

1.1. Əmək şəraiti

• İş açıq və qapalı məkanlarda yerinə yetirilir;
• İş adətən növbəli iş rejimində və müntəzəm iş saatlarında yerinə yetirilir;
• İşin xüsusiyyətindən asılı olaraq, tozlu, çirkli, suyu, qoxulu və qeyri-sabit temperaturlu iş şəraitində işləyə bilər;
• Adətən insan orqanizminə zərərli kimyəvi maddələrlə, pestisidlərlə işləyir;
• İşin xüsusiyyəti ilə əlaqədar olaraq dezinfektor xüsusi fərdi mühafizə vasitələri geyməli, təhlükəsizlik norma və qaydalarına diqqətlə riayət etməlidir;
• Əməyin mühafizəsi və təhlükəsizlik texnikası qaydaları Azərbaycan Respublikasının Konstitusiyası, Əmək Məcəlləsi, Texniki təhlükəsizlik haqqında Qanun və digər müvafiq qanunvericilik aktları ilə müəyyən olunur.

1.2. İşə qəbul tələbləri

• Əmək münasibətləri Azərbaycan Respublikasının Konstitusiyası, Əmək Məcəlləsi və digər normativ-hüquqi aktlarla tənzimlənir;
• İşə qəbul olunarkən sağlamlıq haqqında tibbi arayış, sonradan vaxtaşırı icbari tibbi müayinədən keçmək haqqında tibbi arayış (Azərbaycan Respublikasının Nazirlər Kabinetinin qərarı və Azərbaycan Respublikasının Səhiyyə Nazirliyinin müvafiq əmrləri ilə nəzərdə tutulduğu hallarda) təqdim olunur;
• Əməyin mühafizəsi və təhlükəsizlik texnikası qaydaları ilə təlimatlandırmalar və fərdi mühafizə vasitələri ilə təminat məcburi xarakter daşıyır.

1.3. Tabeçilik

• Kimə tabedir: Müəssisənin təsərrüfat rəhbəri.
• Kim ona tabedir: Yoxdur.

1.4. Məsuliyyət və müstəqillik səviyyələri

1.5. Karyera yüksəlişi və sərbəst məşğulluq imkanları

• Təlim və təcrübə keçməklə bu peşə ilə əlaqədar qrup rəhbəri, ümumi nəzarətçi kimi rəhbər vəzifələrə yüksəlmək imkanları mövcuddur;
• İxtisaslı mütəxəssislər yüksək dərəcədə ixtisaslaşmış işlərə keçə bilər.

2. Əsas vəzifə (V) və fəaliyyətlərin (F) siyahısı

V.1. İşə hazırlaşmaq və işi təşkil etmək:

• F.1.1. Dezinfeksiya əməliyyatına hazırlaşmaq:
• F.1.2. İşdən əvvəl müvafiq təlimatlardan istifadə etmək və ya təlimat almaq;
• F.1.3. İstehsal planı və ya tələbinə əsasən istehsal prosesi, öncəki və növbəti əməliyyatlar ilə əlaqədar istifadə olunan dezinfeksiya vasitələrini və avadanlıqlarını müəyyən etmək;
• F.1.4. Dezinfeksiya olunacaq ərazinin şəraitinə uyğun dezinfeksiya vaxtını müəyyən etmək;
• F.1.5. Təmizlənəcək iş sahəsinə uyğun mühafizə və geyim növünü müəyyən etmək;
• F.1.6. Tələb olunan işə uyğun, kimyəvi qarışıq vasitəsinin miqdarını müəyyən etmək;
• F.1.7. İstifadə olunan avadanlıq, dezinfeksiya vasitələrini yoxlamaq;
• F.1.8. Dezinfeksiya üzrə bütün mərhələləri planlaşdırmaq;
• F.1.9. Dezinfeksiyaedici vasitələrin istifadə ardıcıllığını planlaşdırmaq;
• F.1.10. Dezinfeksiya üçün lazım olan alət və avandalıqların nasazlıqlarını və ya istismar qüsurlarını, həmçinin vasitələrin istehsal müddətini yoxlamaq;
• F.1.11. Müəssisənin texniki tələblərinə uyğun olaraq vasitə və avadanlığı müvafiq şəxslərdən əldə etmək, təhvil aktını sənədləşdirmək, təsdiq etdirmək;
• F.1.12. Geyimlər, vasitə, avadanlıq və sistemlərin nəzarət və texniki tələblərə uyğunluğunu yoxlamaq;
• F.1.13. Dezinfeksiya məqsədinə əsasən dezinfeksiya olunacaq əraziyə görə avadanlığı müəyyən edib uyğun vasitə və alətndən istifadə etmək;
• F.1.14. Mexaniki alətlərin və vasitələrin təlimatına əsasən təhlükəsizlik tədbirlərinin ardıcıllığını müəyyən etmək;
• F.1.15. Ərazi üzrə əsas dezinfeksiya olunacaq sahələri müəyyən etmək;
• F.1.16. Materiallardan səmərəli istifadə etmək.

V.2. Dezinfeksiya əməliyyatını yerinə yetirmək:

• F.2.1. Dezinfeksiya qaydasını müəyyənləşdirmək və məlumatlandırmaq;
• F.2.2. İş təhlükəsizlik sisteminə riayət edərək fərdi mühafizə vasitələrini geyinmək.
• F.2.3. Dezinfeksiya olunacaq sahəyə uyğun dezinfeksiya prosesini dogru şəkildə davam etdırmək;
• F.2.4. Lazım gəldikcə əlavə vasitələri istifadə etmək, yaymaq, çiləmək və s. yollarla prosesi davam etdirmək yeri gəldikcə dezinfeksiyaedici avadanlıqlarından istifadə etmək;
• F.2.5. Əllə dezinfeksiyani eyni zamanda, dezinfeksiya maşını vəya avadanlığını düzgün şəkildə idarə etmək;
• F.2.6. Digər sahələrə zərər vermədən desinfeksiya avadanliq və vasitələrdən istifadə etmək;
• F.2.7. Dezinfeksiya zamanı fövqəlhadə hallara və bioloji zəhərlənmələrə səbəb ola biləcək, lazımlı məmulatları yararsız hala sala biləcək hadisələrə yol verməmək;
• F.2.8. Dezinfeksiya prosesinin tamlığını təmin etmək;
• F.2.9. Texniki xidmət və ya yardım ehtiyacı olan qeyri-normal vəziyyətlər barədə nəzarətçini məlumatlandırmaq.

V.3. İşin həcminin iş saatını müəyyənləşdirmək və hesabatını təqdim etmək:

• F.3.1. İşlətdiyi avadanlıq və materialların miqdarı barədə hesabatı müəssisə rəhbərinə hesabatvermək;
• F.3.2. Dezinfeksiya avadanlıqlarının, geyimlərinin və vasitələrin işlək vəya qeyri-işlək vəziyyəti barədə rəhbərliyə məlumat vermək;
• F.3.3. Dezinfeksiya növünün funksiya və xüsusiyyətinin, üstunluk verdiyi üsul,vasitə və avadanlığın xassələrini şərh etmək;
• F.3.4. Ta mamlama, təhvil – təslim işlərini yerinə yetirmək.
• F.3.5. İstifadə olunan materiallar və tətbiq olunan metodlar daxil olmaqla proseslərin qeydiyyatını aparmaq;
• F.3.6. Avadanlıqları səliqəli istifadə etmək və lazımı şəraitdə saxlamaq;
• F.3.7. Dezinfeksiya prosedurlarında istifadə olunan zədələnmiş material və avadanlıqlar, texniki xidmət və ya təmirə ehtiyacı olan qeyri-normal vəziyyətlər barədə nəzarətçini məlumatlandırmaq;
• F.3.8. Xidmət barədə hesabatı rəhbərliyə təqdim etmək;
• F.3.9. Məhsuldar işlə əlaqədar ətraf mühitin mühafizəsi, əməyin təhlükəsizliyi, fövqelhadə təbiət hadisələrindən mühafizə və məhsuldarlıq ilə əlaqədar qaydalara riayət etmək.

3. Səriştələrin qısa təsviri

Bilik:

• Mexaniki və ya əl dezinfeksiya alətləri, o cümlədən onların istifadəsi, təmiri və saxlanması haqqında məlumat;
• Dezinfeksiya növləri və prosesi haqqinda umumi məlumat;
• Təbiət elmləri (Biologiya,kimya,fizika)sahəsində sadə biliklər;
• Dezinfeksiya məhsulları,vasitələri onların tərkibi, keyfiyyəti, dəyəri və s. barədə məlumat;
• İş ərazisində və ya peşəkar alətlərdən istifadə ilə bağlı təhlükəsizlik qaydaları barədə məlumatlı olmaq;
• Dezinfeksiya ilə deratizasiyanın fərqini istifadə üsulları;
• Dezinfeksiya növündən, xüsusiyyətindən asılı olaraq vasitələrin, avadanlıqların tərkib və xüsusiyyətləri;
• Təhlukəli iş şəraiti və təhlükəsizlik tədbirləri barədə məlumatlı olmaq;
• Müəssisənin təhlükəsizlik qaydaları;
• SƏTƏM (Sağlamlıq, Əməyin Təhlükəsizliyi və Ətraf Mühitin mühafizəsi) normaları;
• Ətraf mühitin mühafizəsi, əməyin mühafizəsi, sanitar-gigiyena, texniki təhlükəsizlik məsələləri üzrə metodiki materiallar;
• İşi planlaşdırmaq və qiymətləndirmək.

Bacarıq:

• Dezinfeksiya üçün olan müvafiq alətlərdən istifadə etmək;
• Bütün növ və daha çox istifadə olunan materiallar,məhlullar, dezinfeksiya avadanlıqları ilə işləyə bilmək;
• Sadə kimyaçılıq təcrübəsinə sahib olmaq;
• Karantin sahənin xüsusiyyətlərini dəyərləndirmək;
• Müxtəlif növ dezinfeksiya üsullarıni yerinə yetirmək;
• Əldə edilən nəticəni təmin etmək üçün işin qiymətləndirilməsi;
• Təhlükəsizlik tədbirləri görmək;
• Operativ olmaq və doğru səmtə istiqamətlənmək;
• Problemləri həll etmək bacarığı;
• Vaxtı idarə etmək bacarığı;
• Əməyin mühafizəsi və fövqəlhadə hallardan mühafizə üzrə qaydalara əsasən işi yerinə yetirmək.

Yanaşma:

• Dəqiqlik, düzgünlük və operativlik nümayiş etdirmək və təfərrüata diqqət yetirmək;
• Yüksək səviyyədə fərdi intizam nümayiş etdirməklə çalışmaq.

Əlavə / ümumi səriştələr::

• Peşəkar bacarıqlarının inkişafı, həmçinin yeni məlumatların əldə edilməsi üçün kompüter bilikləri;
• Yeni texnologiyalar sahəsində maraqlı olmaq.

4. Təlim ilə bağlı xüsusi məlumat

4.1. Təlimin növləri

Formal təlim

Qeyri-formal təlim

İnformal təlim

4.2. Təlimin istiqaməti

4.3. Əvvəlki təlimin tanınması