Chemlab MMC-nin Keyfiyyət Siyasəti

Laboratoriya sifarişçilərdən daxil olan tələblərin doğru, tərəfsiz, məxfilik prinsipləri qorunmaqla və yüksək keyfiyyətlə qarşılanmasını öz fəaliyyətinin əsas prioriteti hesab edir. Bu məqsədlə şirkət aşağıdakı prinsiplərə sadiqdir:

• Beynəlxalq və yerli qanunvericiliyin, eləcə də müvafiq standartların tələblərinə əməl edilməsi və keyfiyyət idarəetmə sisteminin fasiləsiz təkmilləşdirilməsi;
• Laboratoriyalararası qarşılaşdırmalar vasitəsilə ölçmələrin etibarlılığının daim təmin olunması;
• Qüvvədə olan norma və qaydalara, qanunvericiliyin tələblərinə tam riayət edilməsi;
• Ölçmələrin qeyri-müəyyənliyinin minimum səviyyədə saxlanılması və sifarişçilərin tələblərinin hər zaman qarşılanması yolu ilə müştəri məmnuniyyətinin artırılması;
• Təlim, laboratoriya və servis təminatı sahəsində standartların tələblərinə cavab verən, müştəri ehtiyaclarına uyğun keyfiyyətli xidmətlərin təqdim edilməsi;
• Xidmətlərin göstərilməsi zamanı müştəri məmnuniyyətinin təmin olunması;
• Şirkətin biznes proseslərinin effektivliyinin artırılması və bunun nəticəsi olaraq xidmətlərin keyfiyyətinin davamlı yaxşılaşdırılması;
• Keyfiyyət siyasətinin daimi olaraq yararlılığının təhlil edilməsi və şirkət məqsədləri ilə uyğunluğunun təmin edilməsi;
• Şirkətin fəaliyyətini əks etdirən maliyyə göstəriciləri sisteminin tətbiqi;
• Şirkətin bütün əməkdaşlarının bilik və peşə ixtisaslarının fasiləsiz artırılması;
• Hər bir əməkdaşın öz iş metodunun keyfiyyətinə və təkmilləşdirilməsinə məsuliyyətlə yanaşması;
• Keyfiyyət siyasətinin bütün əməkdaşlara çatdırılması və onların bu siyasət barədə mütəmadi məlumatlandırılması.

Laboratoriyamız keyfiyyətə əsaslanan yanaşma ilə müştərilərinə etibarlı, şəffaf və peşəkar xidmətlər təqdim etməyi qarşısına məqsəd qoyur.

Chemlab 2021-ci ildə fəaliyyətə başlamış və qısa müddət ərzində ölkə üzrə bir çox iri və kiçik müəssisəyə laboratoriya xidmətləri təqdim etmişdir. Hazırda 450-dən çox şirkətə fasiləsiz xidmət göstəririk.

Chemlab, ISO/IEC 17025 standartı üzrə yerli və beynəlxalq qurumlar tərəfindən akkreditə olunmuş laboratoriya olaraq yerli və beynəlxalq müştərilər üçün müxtəlif laboratoriya analiz və sınaq xidmətlərini yüksək dəqiqlik və etibarlılıqla həyata keçirir.